BIOGRAFIA

MUSA MULOLLI

Musa Mulolli u lind me 27. 10.1971 në Shajkoc, komuna e Podujevës. Shkollën fillore e mbaroi ne Shajkoc, kurse të mesmen në Podujevë në vitin 1989. Pas demonstratave të marsit të vitit 1989, kundër ndryshimit të Kushtetutës së Kosovës nga Serbia, për-jashtohet nga shkolla dhe i ndalohet arsimimi universitar. Si maturanti iu mundësua nga Komuna e Podujevës diplomimi në shkollën e mesme me anë të provimeve klasore. Mirëpo, ndalimi i arsimimit të mëtejmë mbeti në fuqi. Shkollimin universitar e vazhdon në shkencat juridike, menjëherë pas luftës. Në vitin 1991 emigroi në Gjermani, ku jeton e punon edhe sot. Në Gjermani aktivitetet atdhetare, kulturore e politike në shërbim të çështjes kombëtare dhe në shërbim të komunitetit shqiptar që jeton në Gjermani, i vazhdon që nga vendosja e tij në Hagen të Gjermanisë. Është bashkëthemelues i Lidhjes së Shkrimtarëve, Krijuesve dhe Artistëve e Shqiptarë  në Gjermani. Ka ndihmuar në hapjen e shkollave shqipe në Hagen, Ennepetal dhe Schwelm.

Herë pas here merret edhe me shkrime publicistike.

Musa MULOLLI

JETA E VËRTETË

Jetë dinake, o Jetë e pa mëshirë

Shumëçka më vodhe, por të lutem

Më plotëso një Dëshirë

Më kthe dhe një herë

 
Në Djalë të ri e të mirë

Të betohem atëherë me mua

 Do ta kesh vështirë

O dinake s’do mashtrohem më pas teje

Ç’të duash më falë, se


Nga Dëshira e vetme nuk do të dalë

Atje në Shajkofc me Kujtimet e mia do rri

Pranë varreve të Prindërve të mi

Vetëm atje ku Shpirti gjen qetësi

Jetë o dinake ç’më bëre kështu 

Gjithkah më përpëlite, e më solle këtu


Erdha Djalë i ri, i ri më nuk jam

Por Shpirtin, ende, te Kujtimet e mia

Atje në Shajkofc e kam

Atje ku ç’do fije bari, një Kujtim për mua mbanë


Atje ku ç’do cicërimë e Zogjve, në heshtje për

 mua qanë

Atje ku Gurët e Rrugës hapat e mi i kanë

 numëruar
Ku Batllavës i mungojnë Krahët e hapur të Djalit

 duke Notuar

Më ka marr Malli të ulem në Bankën e Shkollës 
Më ka marr Malli të hipë në Degët e Mollës 
Më ka marr Malli Bukë të ha duke vrapuar
Ah m’ka marr Malli si atëherë të qeshë
Por edhe për t’lotuar

Si të t’them o Vendi im më i  mirë

Nuk mund të t’quaj Ari as Xhevahir

Emri yt nuk preket as nuk shihet

Por thellë në Shpirt dhemb dhe ndjehet

Atëherë kur në ty marr frymë dhe flej i qetë 

Kuptoj se Emri yt është

JETA E VËRTETË!

(Nga Monografia “MËRGATA SHQIPTARE NË GJERMANI“, autor Argjend Hasani. Botuar 2020)