SEVËME FETIQI
Biografia
Sevëme Fetiqi u lind me 7 maj në Vushtrri. Shkollën fillore dhe Gjim-nazin i kreu në vendlindje. Studioi në Fakultetin e Mjekësisë në Univers-itetin e Prishtinës.
Qysh herët nga bankat e shkollës fillore shquhej për talentin e saj për poezinë. Poezitë e saj janë publikuar në shumë gazeta dhe revista shqipe të kohës.
Sevëme Fetiqi jeton dhe punon në qytetin Offenbach, në Gjermani.
Veprat e autores:
“Kurora e kaltër”-1985,
“Gjurmët e kthimit tim”-1998 ,
“Imazhe të ringjallura”-2012 dhe
“Një gëllënjkë dashuri”-2014
Në vitin 2003 dy poezi të poetes S. Fetiqi u botuan në“ANTOLOGJIA E POEZISË MODERNE SHQIPTARE”, në gjuhën gjermane, të përkthyer nga Ferdinand Laholli.
POEZI
Sevëme FETIQI
LOTËT E MI
Retë sot
lotët e mi lotojnë
ato nuk mund të pikojnë
në Silnicën time
Këtu shpejt më plaket hëna
shpejt më ngrryset dielli
më zvarritet metrove jeta
si vetëtima në errësirë
Për çdo ditë Majnës
udhëton barka ime e heshtjes
e hija ime e vrarë
fytyrave të huaja i ngrit dolli
buzëqeshjeve të rrejshme
Kërkoj pak nektar lulesh
të vendlindjes
t´i ringjalli kopshtet e mia
mbi asfaltet e egra
t´a bashkoj trupin tim me shpirtin
Dita më qaraveshet
të ka ikur shpirti thotë
zhveshet nga malli
ja atje në Dardani
vështron nga largu dhe tallet
me trupin tënd të lodhur…
vetëm pak buzëqeshje kërkojnë
lotët e mi që lotojnë nga retë sot.